بە پێی راپۆرتی ئاژانسی هەواڵی مێهر، حسێن ئەمیرعەبدوڵاهیان لە کۆبوونەوەی وڵاتانی ئەندامی رێکخراوەی هاوکارییە ئیسلامییەکان، وتی: بێگومان دەوڵەتەکانی ئەندامی ڕێکخراوەی نەتەوە یەکگرتووەکان و سکرتێری گشتێی ئەو دەتوانن لە پێک هێنانی دەوڵەتی گشتگیر و یارمەتی دان بە خەڵکی ئەفغانستان رۆڵ بگێڕن و لە پێک هاتنی کارەساتی مرۆیی رێگری بکەن.
ئەو وتیشی: ئێمە پێمان وایە ئاسایشی بەردەوام و سەقامگرتوویی سیاسی و کۆمەڵایەتی لە ئەفغانستان لە ڕێگای بەشداری گشتیی و پێک هێنانی دەوڵەتی گشتگیرەوە مومکین دەبێت. وەدواخستنی ئەم کارە دەرفەت دەداتە دوژمنانی ئەفغانستان بۆ ئەوەی گەشە بە تیرۆریزم بدەن و کێشەی ئابووری و قەیران بە سەر خەڵکی ئەو وڵاتەدا بسەپێنن.
ناوبراو داکۆکی کرد: هاودەنگی و یارمەتی وڵاتانی دراوسێ بۆ بەرەنگاری لە گەڵ تیرۆریزم و پشتیوانی لە خەڵکی ئەفغانستان و پێک هێنانی داهاتووی ڕوون بۆ ئەوان کاریگەر دەبێت.
Your Comment